Кыргызстанга «Шабыркуль» кенинен 247 вагон көмүр алынып келинет
Монополияга каршы жөнгө салуучу агенттик Казакстандын «Шабыркуль» кенинен көмүр алып келүү боюнча келишим түздү. Бул тууралуу аталган агенттиктин басма сөз кызматы билдирди.
Бул келишимге ылайык, аты аталбаган импортер компания Бишкек шаарынын жана Чүй облусунун көмүр рыногун толтуруу үчүн «Шабыркуль» көмүрү менен камсыздоого милдеттенген.
Бул келишимге ылайык, жакынкы аралыкта КРга «Шабыркуль» разрезинен 247 вагон көмүр алат. Берилген көмүрдүн максималдуу баасы тоннасына 4600 сом деп белгиленген.
Берилген көмүр суткасына 24 саат, жумасына 7 күн, тыныгуусуз жана дем алышсыз төмөнкү отун базаларында сатылат:
- Бишкек – Мурман көч., 1а
- Токмок – Жантаев көч., 23
- Кант – Логвиненко көч., 13
- Шопоков – АБК Сокулук базасы, «Берекет»
- Каинды – 60 лет Октябрь көч., 7.
