УКМК: «Эйр Кыргызстан» ААК менен Эсептөө палатасы жең ичинен сүйлөшүп, мамлекетке 3 млн доллар зыян келтиришкен
«Эйр Кыргызстан» ААК менен Эсептөө палатасы жең ичинен сүйлөшүп, мамлекетке 3 млн доллар зыян келтиришкен. Бул тууралуу УКМКнын маалымат кызматы билдирди.
УКМК тарабынан «Эйр Кыргызстан» ААКнын жетекчилиги (мамлекеттик үлүшү 100%) менен Эсептөө палатасынын айрым кызмат адамдары жең ичинен сүйлөшүп алышып, пландуу текшерүүлөрдүн жүрүшүндө мамлекетке 3 160 903 доллар өлчөмүндө зыян келтирилгендигин атайылап жашырышкан.
Тергөөнүн жүрүшүндө чогултулган күнөөнүн далилдерин эске алып, Эсептөө палатасынын аудитору С.З. жана инспектору О.Ж. КРнын Жазык кодексинин 319-беренесинин 1-бөлүгү («Коррупция») боюнча кылмыш иши козголуп, Бишкек шаарынын Биринчи Май райондук соту тарабынан камакка алуу түрүндөгү баш коргоо чарасы каралды.
