30-ноябрга карата «Кепилдик фонду» ААК 1 млрд сомдон ашык суммага 665 кепилдик берип, рекорддук санды көрсөттү. Бул кепилдиктердин эсебинен өнөктөш банктар 3.5 млрд сомдон ашык кредиттерди беришкен. Бул тууралуу аталган фонддун басма сөз кызматы билдирди.

2020-жылы «Кепилдик фонду» өлкөдөгү кичи жана орто бизнести колдоого 799 млн сомдук кепилдиктерди берип, дээрлик 3 млрд сомго насыя берген.

2019-жылы фонд тарабынан 780 млн сом өлчөмүндө кепилдиктер берилип, анын аркасында ишкерлер 2.5 млрд сомдон ашык суммадагы кредиттик каражаттарды алууга мүмкүнчүлүк алышкан.

Өткөн жылдардагыдай эле, «Кепилдик фонду» өлкөнүн аймактарынан келген ишкерлерге артыкчылыктуу колдоо көрсөтүп, аларга бардык бекитилген кепилдиктердин 84%ы жөнөтүлмөкчү.

Эскерте кетсек, 2021-жылдын ноябрында «Кепилдик фонд» ААКтын Башкармалыгы региондордогу ЧОБ өкүлдөрүнө 1.5 млн сомго чейин кредиттерди алуу үчүн кепилдиктерди берүүнүн макулдук лимиттерин жогорулатуу чечимин кабыл алган.

Мындай чечим кепилдиктерди берүү боюнча ишкерлердин арыздарын кароо мөөнөтүн кыскартуу жана жалпы региондордо чакан жана орто бизнеске көрсөтүлүп жаткан колдоонун натыйжалуулугун жогорулатуу максатында кабыл алынган.