Бийлик өсүмдүк майы менен кумшекердин баасын мамлекеттик жөнгө салууну кайра киргизүүнү ойлонуп жатат. Экономика министрлиги тиешелүү токтом долбоорун коомдук талкууга койду.

Канттын баасынын кымбатташы – товарларды дүңүнөн алууда баалардын жогорулашына, ошондой эле доллардын жана башка чет элдик валюталардын сомго карата курсунун жогорулашына байланыштуу болууда.

«КРнын ички соодасы жөнүндө» мыйзамдын 11-беренесине ылайык, өкмөт социалдык маанидеги товарларга бааларды мамлекеттик жөнгө салууну баалар жылына 20% жана андан ашык жогорулаган кезде 90 календардык күндөн ашпаган мөөнөткө киргизет.

Бирок дүйнөдө түзүлгөн эпидемиологиялык кырдаалга байланыштуу республикадагы өзгөчө кырдаалды эске алуу менен ведомство 90 күндүк мөөнөткө өсүмдүк майына, кум шекерге бааларды убактылуу мамлекеттик жөнгө салууну сунуштоодо.