Эми машинаны мас абалында айдагандарга 17 500 сом айып салынат. Патрулдук милиция жаңы мыйзам бузуулар жөнүндө кодексте мас абалында унаа айдагандарга жаза күчөтүлгөнүн билдирди.

Алкоголдук ичимдиктерди, баңги заттарын жана башка мас кылуучу заттарды колдонуп, машинаны мас абалында айдоого 17 миң 500 сом өлчөмүндө айып салынат же 30 сааттан 40 саатка чейин коомдук жумуштарга тартылат.

Айдоочу ичкендиги жөнүндө экспертизадан өтүүдөн баш тартса да – 17 миң 500 сом айыпка жыгылат. Мас абалында унаага отурууга уруксат бергендер – 15 миң сом айып пул төлөшөт.

Эгерде мас абалындагы айдоочу жол кырсыгына кабылса, ага 20 миң сом айып салынат же үч суткага камакка алынат.