«Бишкекжылуулукэнерго» ишканасы карыздарын жабуу үчүн республикалык бюджеттен 150 млн сом карыз алууну көздөөдө
Бишкек мэриясы «Бишкекжылуулукэнерго» ишканасынын карыздарын республикалык бюджеттин, тагыраак айтканда 150 млн сом бюджеттик кредиттин эсебинен жабууну сунуштоодо.
Негиздөө маалымдамасында белгиленгендей, жылуулук энергиясынын социалдык багытта колдонулган тарифтери анын өздүк наркын актабайт, ал эми кирешелер жана субсидиялар «Бишкекжылуулукэнерго» ишканасынын чыгымдарын жаппайт.
Ишкананын энергия менен камсыздоочуларга, негизинен «Газпром Кыргызстан» ЖЧКсынын «Бишкекгаз» филиалына болгон карызы 1-ноябрга карата 264 млн сомдон ашып кеткен.
«Бишкекжылуулукэнерго» ишканасынын жаратылыш газын негизги берүүчүгө болгон карызын жабууга өздүк каражаты жок. Кырдаалды «Бишкекгаз» өз убагында төлөнбөгөн карыздарга туумдарды кошууну пландап жатканы кырдаалды курчутуп жатат, деп айтылат документте.
Мэрия 150 млн сом бюджеттик кредит алуу ишкананын карыздарын жабууга жана 2021-2022-жылдарга жаңы жылытуу мезгилин минималдуу карыз менен баштоого шарт түзөт деп эсептейт.
