Кыргызстанга кирген чет элдик инвестициянын агымы 26%га өстү
2020-жылдын январь-сентябрына салыштырмалуу быйыл тогуз айда тике чет элдик инвестициялардын агымы 26%га көбөйүп, 503 млн доллардан ашык сумманы түздү. Мындай маалыматты Улуттук статистикалык комитет жарыялады.
Тике чет өлкөлүк инвестициялардын түзүмүндө өткөн жылдын 9 айына салыштырмалуу, бардык түзүүчүлөрдөн келип түшүүсүнүн көбөйгөндүгү белгиленди, менчик капиталдын төлөмдөрүнөн башка, алардын көлөмдөрү 2.6 эсеге кыскарган.
Тике чет өлкөлүк инвестициялардын негизги көлөмү (96% жакыны) геологиялык чалгындоо ишканаларына, иштетүү өндүрүш, пайдалуу кендерди казуу, финансылык ортомчулук жана камсыздандыруу чөйрөсүнө, дүң жана чекене соодага, ошондой эле маалымат жана байланышка багытталган.
КМШдан тышкаркы өлкөлөрдөн келип түшкөн тике чет өлкөлүк инвестициялардын көлөмдөрү
2020-жылдын январь-сентябрына салыштырмалуу 12% көбөйдү, бул негизинен:
- Люксембургдан – 11.6 эсеге (финансылык ортомчулук жана камсыздандыруу)
- Германиядан – 11.4 эсеге (иштетүү өндүрүшү, финансылык ортомчулук жана камсыздандыруу)
- Түркиядан – 2.9 эсеге (пайдалуу кендерди казуу, иштетүү өндүрүшү, дүң жана чекене соодага – 1.5 эсеге)
- Улуу Британиядан – 2.3 эсеге (геологиялык чалгындоого)
- Кипрден – 2 эсеге (иштетүү өндүрүшү)
- Кытайдан – 22.3% (геологиялык чалгындоо, дүң жана чекене соодага)
- Швейцариядан – 1.7 эсеге (маалымат жана байланыш) жана Нидерланддан – 4.9% (иштетүү өндүрүшү, финансылык ортомчулук жана камсыздандуу) өсүшүнүн эсебинен жүргөн.
Келип түшкөн тике чет өлкөлүк инвестициялардын жалпы көлөмүндөгү эң чоң салыштырма салмак Кытайга (27.6%), Түркияга (16%), Улуу Британияга (10.5%), Нидерландга (9.9%) жана Германияга (5.1%) туура келет.
КМШ өлкөлөрүнөн тике чет өлкөлүк инвестициялардын келип түшкөн көлөмү
2020-жылдын январь-сентябрына салыштырмалуу 2.4 эсеге көбөйдү, бул негизинен:
- Беларусиядан – 18.4 эсеге (дүң жана чекене соода ишканаларына)
- Россиядан – 4.7 эсеге (иштетүү өндүрүшү, электр энергия, газ, буу жана кондицияланган аба менен касыздоо (жабдуу), курулуш, дүң жана чекене соода)
- Азербайжандан – 1.9 эсеге (саламаттыкты сактоо)
- Казакстандан – 1.4 эсеге (пайдалуу кендерди казуу, иштетүү өндүрүшү, дүң жана чекене соода, саламаттыкты сактоо) алардын өсүшүнүн эсебинен болду.
Келип түшкөн тике чет өлкөлүк инвестициялардын көлөмү 2020-жылдын 9 айынына салыштырмалуу Ош шаарында – 5.6 эсеге, Ош облусунун – 3.3 эсеге, Жалал-Абад облусунун – 2.9 эсеге, Талас облусунун ишканаларына – 1.8 эсеге, жана Бишкек шаарынын ишканаларына – 1.3 эсеге көбөйдү.
Өткөн мезгилде келип түшкөн тике чет өлкөлүк инвестициялардын жалпы көлөмүндөгү эң чоң салыштырма салмак Жалал-Абад облусунун ишканаларына – 37% жакыны, Бишкек шаарынын ишканаларына – 33% ашыгы, Чүй облусунун ишканаларына – 17%, ошондой эле Талас облусунун – 9% жакыны туура келген.
2020-жылдын январь-сентябрына салыштырмалуу тике чет өлкөлүк инвестициялардын чыгып кетүү агымы 20.3% кыскарды жана 572. 8 млн долларды түздү. Муну менен бирге, чыгып кетүү агымы келип түшүү агымынын деңгээлинен 69.3 млн долларга ашты.
