Сот «Айыл Банк» ААК монополияга каршы органдын айып салуу боюнча чечимине карата арызын канааттандырган жок. Бул тууралуу агенттиктин маалымат кызматы кабарлады.

Эскерте кетсек, «https://ab.kg/» шилтемесинде,  ECO акциянын мөөнөтү көрсөтүлбөгөн «Айыл Банк» ААК жарнамасы таратылып жаткан. Ал «Жарнама жөнүндө» КРнын Мыйзамынын 6-беренесинин 4-абзацына ылайык келбейт жана жазгырмалуу жарнама деп эсептелет, анткени ECO акциянын мөөнөттөрү жөнүндө олуттуу маалыматы жок деп билдирген эле агенттик.

Аталган мыйзамдын беренесине ылайык, эгерде жарнамада жеке жактардын ишеничин же алардын тажрыйбасынын жетишсиздигин кыянат пайдалануунун аркасында, жарнамалалган товарга карата керектөөчүлөрдү адаштырууга алып келсе же алып келиши мүмкүн болсо, ошондой эле жарнамада олуттуу маалымат жок болсо, андай жарнама жазгырмалуу жарнама деп эсептелет. 

Ушул себептен, жарнакка буйрутма берүү, жасоо жана аны жайылтуу эрежелерин бузган үчүн, «Айыл Банк» ААК бузуу жөнүндө протоколу түзүлгөн.  «Айыл Банк» ААК өкүлү бузуу фактысы менен жана жаза чарасы менен макул болгон эмес.

Ал эми Монополияга каршы жөнгө салуу мамлекеттик агенттиги бузуулар жөнүндө иштерди кароо боюнча комиссиясы «Айыл Банк» ААК  3 категориясындагы 170 эсептик көрсөткүч саналган (17000 миң сом) айып пул түрүндө жаза чарасын колдонуу жөнүндө токтомун чыгарган.

2021-жылдын 30-ноябрында Бишкек шаарынын Октябрь райондук сотунун кароосунун жыйынтыгы боюнча «Айыл Банк» ААК,  Мамагенттиктин айып пул түрүндө жаза чарасын колдонуу жөнүндө токтомун жокко чыгарууга карата даттануусун канааттандыруусуз калтыруу чечимин кабыл алды.