Акылбек Жапаров Казакстандын биринчи президенти Нурсултан Назарбаев менен товар жүгүртүүнү кеңейтүүнү талкуулады
Министрлер Кабинетинин төрагасы Акылбек Жапаров Казакстан Республикасынын биринчи президенти Нурсултан Назарбаев менен жолугушту. Бул тууралуу өкмөттүн маалымат кызматы кабарлады.
Акылбек Жапаров жана Нурсултан Назарбаев эки тараптуу кызматташтыктын бир катар маселелерин талкуулады, өзгөчө басым соода-экономикалык тармактагы маселелерге, атап айтканда, эки өлкө ортосундагы товар жүгүртүүнү кеңейтүү маселесине жасалды.
Биринчи президент Нурсултан Назарбаев белгилегендей, биздин өлкөлөр ортосундагы мамилелер бир туугандык жана коңшулук принциптерге таянат.
Жолугушуунун жүрүшүндө Министрлер кабинетинин төрагасы Нурсултан Назарбаевди жана Казакстан Республикасынын элин алдыда турган Казакстан Республикасынын эгемендүүлүгүнүн 30 жылдыгы менен куттуктады жана КРнын президенти Садыр Жапаровдун атынан куттуктоо сөзүн билдирди
