Өткөн жылга салыштырмалуу акционердик коомдордун кирешелери эки эсе өстү. Бирок ошол эле кезде 94 мамлекеттик ишкананын 29 гана кирешелүү болуп эсептелет. Бул тууралуу бүгүн, 10-декабрда Мамлекеттик мүлк фондунун төрагасы Мирлан Бакиров брифингде билдирди.

Эгерде 2020-жылдын жыйынтыгы боюнча киреше 3 млрд 367 млн сомду түзсө, 2021-жылдын 9 айынын жыйынтыгы боюнча 6 млрд 880 млн сомду түздү. Бакировдун айтымында, жыл жыйынтыгы дагы жогору болушу күтүлүүдө.

Бирок 9 айдын жыйынтыгы боюнча 94 мамлекеттик ишкананын 29 гана кирешелүү болуп табылган.

«Кирешесиз бюджеттен каржылангандары да, өзүн өзү камсыз кылган ишканалар да бар. Биз министрлер кабинетине мамлекеттик ишканаларды оптималдаштыруу сунушу менен кат жолдогонбуз. Кээ бир учурларда биз биригүүгө, жоюуга, статусун мамлекеттик ишканадан мамлекеттик мекемеге өзгөртүүгө мажбур болобуз», – деди ал.