Экономика

Кыргызстан КТАЭДдин кезектеги валидациясына даярдык көрүп жатат

Мелис Совет уулу

25 февр. 2026 17:33

2027-жылдын 1-апрелине пландалган Казып алуучу тармактардын ачыктыгы боюнча эл аралык демилгенин (КТАЭД)) кезектеги валидациясына даярдык көрүп жатканын Жаратылыш ресурстары, экология жана техникалык көзөмөл министрлиги билдирди.

Ведомство тоо-кен тармагындагы ачыктыкты жана отчеттуулукту камсыз кылуу максатында жер казынасын пайдалануучулар жана компаниялардын бенефициардык ээлери тууралуу маалыматтарды ачыктоо иштерин улантууда.

Кыргызстан глобалдык КТАЭДге 2004-жылы кошулган, ал эми 2011-жылы расмий "ишке ашыруучу өлкө" макамын алган. Лицензиялар тууралуу маалыматтарды милдеттүү жарыялоо сыяктуу ачыктык принциптери "Жер казынасы жөнүндө" мыйзамда бекитилген. 2024-жылдын февралында КТАЭДдин башкармалыгы Кыргызстандын ишин 57,5 балл менен баалаган.

Учурда министрлик ачык жеткиликтүү Бирдиктүү жер казынасын пайдалануучулардын реестрин жүргүзүүдө. Ал ведомствонун сайтында жайгашып, тоо-кен ишканаларынын ээлери тууралуу актуалдуу маалыматтарды камтыйт.

Жаңы текшерүүгө даярдык 2023-жылдагы стандартка өтүүнү камтыйт. Бул стандарт маалыматтарды ачыктоого коюлган талаптарды кыйла кеңейтет: экологиялык көрсөткүчтөрдү, гендердик аспектилерди жана "жашыл" өтүү маселелерин кошот. КТАЭДдин сунуштарын ишке ашыруу Министрлер кабинети тарабынан 2025–2030-жылдарга коррупцияга каршы мамлекеттик стратегияга да киргизилген.

Мындан тышкары окуңуз

Ала-Букада аким 8 айылдын тургундары менен жолугуп, көйгөйлөрүн укту

Ала-Бука районунун акими Темирболот Абыкеев айылдардын тургундары менен жеке жолугуу максатында көчмө жыйын өткөрдү. Бул тууралуу аймактын мамлекеттик админстрациясынын басма сөз кызматы билдирди. Көчмө кабыл алууда аким Ызар, Кош-Терек, Кош-Алмурут, Баймак, Келте, Кашкалак, Кажар жана Моло-Таш айылдарынын тургундарынын кайрылууларын укту. Мындан тышкары, Моло-Таш айылындагы таза

Бишкектеги сейил бактарда ит сейилдетүүчү атайын жайлар түзүлөт

Бишкектеги сейил бактарда жана скверлерде үй жаныбарларын сейилдетүү үчүн атайын жайларды уюштуруу каралат. Бул тууралуу Бишкек мэриясы билдирди. Шаар мэри Айбек Жунушалиев Иманалы Айдарбеков көчөсүнүн (мурдагы Жаш Гвардия бульвары) Жоомарт Бөкөнбаев көчөсүнөн Жибек Жолу проспектисине чейинки бөлүгүндө жүрүп жаткан реконструкциялоо иштери менен таанышты. Текшерүү учурунда мэр сейил бактарды жана скверлерди

Эсептөө палатасы бюджеттеги кемчиликтерди четтетүү боюнча сунуштарды берди

2025-жылдагы республикалык казынанын аткарылышы боюнча жүргүзүлгөн аудиттин жыйынтыгы чыкты. Бул тууралуу Эсептөө палатасынын басма сөз кызматы билдирди. Анализде бюджеттик тартипти чыңдоо, каржылык отчеттуулукту жакшыртуу жана санариптик тутумдарды толук киргизүү зарылдыгы белгиленди. Анын ичинде борборлоштурулган бухгалтердик эсептин автоматташтырылган маалыматтык тутумуна мекемелердин 71%га гана өткөнү көрсөтүлдү. Тоо-кен тармагындагы салык

Лебединовка ГЭСин реконструкциялоого даярдык башталды

Лебединовка ГЭСин реконструкциялоого даярдык көрүлүп, станцияда адистер жана жумушчулар үчүн убактылуу шаарча курула баштады. Бул тууралуу "Чакан ГЭС" ААКтан билдиришти. Курулуш иштерин башкы подрядчы — China National Heavy Machinery Corporation (CHMC) компаниясы жүргүзүүдө. Убактылуу шаарчанын курулушу ГЭСте негизги курулуш-монтаждоо жана реконструкциялоо иштерин баштоого даярдыктын биринчи этабы болуп саналат.