Бишкекте мектептерде 900 бала окуучу жерде 3000 бала окуйт
Бишкекте мектептерде 900 балага ылайыкташкан жайда 3000 бала окуйт. Бул тууралуу бүгүн, 13-декабрда Бюджет жана финансы боюнча комитетинин жыйынында Айнура Аскарова билдирди.
Айнура Аскарова Бишкекте мектептерде 900 балага ылайыкташкан жайда 3000 бала окуп жаткандыгын, Бишкек шаарынын кирешесинин канча пайызын республикалык бюджетке кетип жатканын Финансы министрлигинен сурады.
Министрликтин берген маалыматына караган Бишкектин бюджетине түшкөн каражаттын 90% республикалык бюджетке кетет.
«Ички миграциядан улам класстарда балдар батпай жатат. Бишкектин мектептеринин жерлери кенен, кошумча корпустарды курууга мүмкүнчүлүктөр бар. Мектеп директорлору кошумча имараттарды куруп берүүбуздү суранып жатышат. Бишкек шаары менен Ош шаарынын соцобъекттерин өзүнчө киргизүү боюнча маселени карап чыксаңыздар. Бишкектеги билим берүүнү таптакыр талкалап алуу коркунучу турат», – деди Аскарова.
Финансы министри Алмаз Бакетаевдин билдиргенине караганда, Бишкек мэриясы учурда билим берүү жаатына 3.3 млрд сом төлөп берип жатат жана аны келечекте этап-этабы менен республикалык бюджетке өткөрүү пландалууда.
«Эгерде ошол чыгашаны республикалык бюджетке өткөрсөк, бошогон 3 млрд сомду ошондой тармакка жумшасак болот», – деди министр.
Министрлик ошондой эле Россия Кыргызстанга 7 мектеп куруп берүүнү убада кылганын да кошумчалады.
