Финансы министри: «Кумтөрдүн» алтындары кайда сатылып жатканы тууралуу маалыматым жок
Кумтөрдүн алтындары кайда сатылып жатканы тууралуу маалыматым жок. Бул тууралуу бүгүн, 13-декабрда Бюджет жана финансы боюнча комитетинин жыйынында Финансы министри Алмаз Бакетаев билдирди.
Осмон Турдумамбетов жыйында: «Кумтөрдү иштетип атабыз деп атабыз. Канча алтын өндү, канча салык түштү, канчадан саттык алтынды, сатпасак каякта сактап атабыз ал алтынды. Кыска жооп берип койсоңуз, бул коомчулукту эң кызыктырган суроо», – деген суроосун берди.
Финансы министри Кумтөр бардык салыктарды төлөп жатканын бирок сатылып жаткан алтындар тууралуу маалыматы жок экенин айтты.
«Алтын боюнча каякка сатылганы тууралуу маалыматым жок экен», – деди кыскача.
