Ата мекендик Codify Solutions компаниясынын IT продуктусу сингапурдук Antler акселераторунун акселерациялык программасын жеңип, 100 000 доллар инвестиция алды. Бул тууралуу компаниянын негиздөөчүсү жана жетекчиси Дина Руслан Facebook баракчасына билдирди.

Codify Solutions Antler портфелдик компаниясына айланды жана азыр инвестициялардын кийинки этабына даярданууда, анда компаниялар орто эсеп менен 1 млн доллар каржы алышат.

«Бул биздин Codify LMS  билим берүү борборлору үчүн окуу системасын автоматташтыруу үчүн алга карай жасалган чоң кадам. Биз дүйнө жүзү боюнча 3 миң стартаптын арасынан тандалып, сынактын үч турунан кийин финалга чыктык. Азыр биздин Codify LMS Борбор Азиянын төрт өлкөсүндө колдонулат. Биз 70ке жакын билим берүү борборлорунун жана курстарынын бизнесин автоматташтырууга жана кеңейтүүгө жардам бердик», – дейт Дина Руслан.

Белгилей кетсек, Codify LMS CRM IT продукциясы окуу процесстерин автоматташтыруу жана окуу материалдарын даярдоону жөнөкөйлөтүү үчүн иштелип чыккан. Бул мугалимдер жана окуучулар үчүн окутуу жана окуу, үйрөнүү, иштөө үчүн жеке кабинет менен камсыз кылган платформа.