Министрлер кабинетинин төрагасы Акылбек Жапаров «Кумтөрдүн» азайып кеткен кирешеси тууралуу комментарий берди. Анын айтымында, баары жакшы.

Эскерте кетсек, Финансы министрлиги  Кумтөрдөн түшкөн киреше үчтөн бирге кыскарып, бюджетке 2.6 млрд сом түшпөй калганын билдирген болчу. Ведомстводон «Кумтөр Голд Компани» ЖАК 2020-жылы республикалык бюджеттин киреше бөлүгүнө 9 млрд 618.7 млн ​​сом, ал эми 2021-жылдын 11 айында 6 млрд 998.8 млн сом түшкөнүн маалымдаган эле.

«Салыктар талап кылынган өлчөмдө төлөнүүдө. 12 айдын ичинде жакшы рудага жетишти. Буга чейин карьерди суу каптап кеткени айтылса, азыр ал жок – 1.5 тоннадан ашык өтө сапаттуу алтын бар. 12 айдын аягында бардык пландар аткарылат деп ишенем», – деди Жапаров.

Ошондой эле ал компания геологиялык чалгындоо иштерин жүргүзүү үчүн жүгүртүүдөн 4% бюджетке төлөй баштаганын кошумчалады.