Баткен облусунун Лейлек районунда 7 млн долларлык кичи ГЭС курулууда. Бул тууралуу batken.press маалымат порталы билдирди.

Лейлек районунда кичи ГЭСтин курулушу жүрүп жатат.
Катраң айыл аймагында Козу-Баглан дарыясынын жээгинде, ички инвестордун колдоосу менен 6 мегаваттуу кичи ГЭС курулууда. Долбоордун жалпы сметалык баасы 7 млн долларды түзөт.

Берилген маалыматка ылайык, учурда биринчи этаптагы иштер 80%га аяктаган. Чакан ГЭС курулуп бүтсө айылдагы бир топ социалдык маселелер чечилип, айыл тургундары жаңы жумуш орундары менен камсыз болушаары айтылууда.

Экинчи этабындагы иштер 2022-жылы кыска убакытта бүткөрүлөөрү пландалууда.