Испаниялык компания Бишкекке таштанды сорттоочу завод курууну сунуштоодо. Бул сунушту Бишкек мэриясы Мамлекеттик жеке өнөктөштүк (МЖӨ) борбору менен биргеликте карап жатат. Бул тууралуу борбор калаанын биринчи вице-мэри Максатбек Сазыкулов брифингде билдирди.

Анын айтымында, компаниянын Казакстанда тажрыйбасы бар жана 2022-жылдын күзүндө завод курууга даяр. «Алар жакшы шарттарды сунуштап,  үчүнчү кварталда куруп беребиз деп ишендирип жатышат», – деди вице-мэр.

Анын берген маалыматына караганда, инвестордун юристтери менен жолугушуу пландаштырылган. Эгерде тараптар бир пикирге келсе, мэрия курулуш боюнча келишимге кол коет.

Таштандыларды сорттоочу завод санитардык полигон менен жаңы рекультивация аймагында жайгашмакчы.