Улуттук энергохолдинг: Электр системасын этап-этабы менен калыбына келтирүү бир нече саатка созулушу мүмкүн
Кыргызстандын энергетика системасы Борбордук Азиянын Бириккен энергетикалык шакеги авариялык өчүүдөн кийин этап-этабы менен калыбына келтирилүүдө. Бул тууралуу «Улуттук Энергохолдингдин» маалымат кызматы билдирди.
Берилген маалыматка ылайык, КР Энергетика министрлигинин тапшырмасы боюнча энергетикалык компаниялар Бирдиктүү энергетикалык шакекти айланып өтүп, керектөөчүлөрдү энергия менен камсыздоону этап-этабы менен калыбына келтирүүнү баштады.
«Республиканын ири өнөр жай ишканалары нормалдуу иштеп жатат. Алдын ала маалым болгондой, Борбордук Азиянын энергетикалык системасындагы бузулуу региондун энергетикалык системаларынын биринде болгон. Электр системасын этап-этабы менен калыбына келтирүү бир нече саатка созулушу мүмкүн», – деп айтылат билдирүүдө.
Авариялык өчүрүүнүн жагдайлары иликтенүүдө.
