Жаӊы азыктын базарга чыгышы: идеядан натыйжага чейин
Ага Хан фондунун «Кыргызстандын тоолуу жамааттарын өнүгүүсүн колдоо программасы» коомдук фонду жүзөгө ашырып жаткан «Аракетчил» долбоорунун алкагында түштүк облустардын өндүрүүчүлөрү үчүн күрүч, малина, бадам, ошондой эле кийиз буюмдарды өндүрүү, жасалгалоо жана жайылтуу боюнча тренинг өткөрдү.
Үч күндүк тренинг Япония эл аралык агенттигинин (JICA) “Бир айыл – бир өндүрүм” долбоорунун өкүлдөрүнүн колдоосу менен уюштурулду. Тренингдин биринчи күнү машыктыруучулар кийиз өндүрүшүнүн маанилүү экендиги жөнүндө айтып беришти. Катышуучулар практика жүзүндө кийизди нымдуу жана кургак бойдон басуу, табигый боёо жолдорун үйрөнүштү, буюмдарды өндүрүп чыгаруу жана сатууга тиешелүү бардык эсептерди көрсөтүп беришти.
Экинчи жана үчүнчү күндөр базарга алып чыгуу жана жергиликтүү өнүмдөрдүн жергиликтүү жана чет өлкөлүк базарлардагы атаандаштыкка туруктуулугун күчөтүү максатында күрүч, малина, бадам азыктарын жаӊыча даярдоо усулдары тааныштырылды.
Окуу убагында катышуучулар айыл чарба өнүмдөрүн селекциялап өстүрүү боюнча теориялык билим эле албастан, жалпы кабыл алынган стандарттарга ылайык өнүмдөрдү даярдоо технологияларын, ороп-таӊгактоо эрежелерин, сертификат алуу үчүн зарыл болгон сапатты көзөмөлдөө талаптарын да практика жүзүндө өздөштүрүп алышты.
“Теориялык маалымат, практика, иштиктүү сабактар, көрсөтмө чаралар эӊ сонун айкалыштырылды. Практикага киришкен теоретик чоӊ көлөмдөгү маалыматты түшүндүрүп бере алат, ал маалымат жөнөкөй, кызыктуу жана кыйла оӊой өздөштүрүлөт”, – деди тренингдин бир катышуучусу.
Тренингдин аягында бардык катышуучулар үчүн каржылык сабат боюнча чакан сессия белек катары өткөрүлдү. Катышуучуларга ошондой эле алган билимдерин жакшыраак бышыктоо үчүн керек боло турган колдонмолор да тартууланды.
Тренингдин аягында бардык катышуучулар үчүн каржылык сабат боюнча чакан сессия белек катары өткөрүлдү. Катышуучуларга ошондой эле алган билимдерин жакшыраак бышыктоо үчүн керек боло турган колдонмолор да тартууланды.
«Аракетчил» долбоору Япония өкмөтү тарабынан Дүйнөлүк банк менен өнөктөштүктө каржыланып, Ага Хан фондунун «Кыргызстандын тоолуу жамааттарын өнүгүүсүн колдоо программасы» коомдук фонду тарабынан ишке ашырылууда.
