Энергетика тармагы локомотив эмес, Кыргызстандын өнүгүүсүнө тормоз болууда – Дүйнөлүк банк
Энергетика локомотив эмес, Кыргызстандын өнүгүүсүнө тормоз болуп калды. Мындай билдирүүнү бүгүн, 8-апрелде Дүйнөлүк банктын Борбордук Азия боюнча аймактык директору Татьяна Проскурякова «КРнын энергетика секторун трансформациялоо» форумунда билдирди.
Ал белгилегендей, КРнын энергетика тармагына реформа жасоо маселеси чындап бышып жетилди. Көптөгөн өлкөлөрдө бул тармак өсүштүн кыймылдаткычы болуп саналат. Кыргызстандын таза энергетика – гидроэнергетика жана күн энергиясы боюнча эбегейсиз потенциалы бар. Ошол эле учурда бул тармак дагы деле көз каранды болуп, анын карызы 1.5 млрд долларга жетти (ИДПнын 20%).
«Бул локомотив эмес, өнүгүүнүн тормозу. Бул абалды өзгөртүү керек. Ошол эле учурда энергетика тармагын реформалоо узак процесс экендигин жана Министрлер кабинетинен гана эмес, өнүктүрүү боюнча өнөктөштөрдөн жана жеке сектордон да чоң күч-аракетти талап кыларын түшүнүү керек. КРгы ири долбоорлорго жеке сектордун инвестициясы пайдалуу боло тургандай шарттарды түзүү керек. Жол картасы реформа жөн эле фантазия эмес, реалдуу план экендигинен үмүт берет», – деди Дүйнөлүк банктын аймактык директору.
Проскурякова ошондой эле Дүйнөлүк банктын энергетика тармагындагы операциялардын чоң портфели бар экенин билдирди. «Биз сиздерге өз тажрыйбасы менен бөлүшө турган бардык эксперттерди алып келүүгө даярбыз. Биз ошондой эле жалпы жол картасынын жана реформалар программасынын алкагында бул тармакты каржылоону көбөйтөбүз», – деди ал.
