Сузак: селден тазалоого 2000 адам тартылды
Сузак районунда селден жабыр тарткан жарандардын турак үйлөрүн 2000ден ашуун кызматкер, 47 техника жана 27 мотопомпа тазалоого тартылды. Бул тууралуу ӨКМнин маалымат кызматы билдирди.
Өзгөчө кырдаалдар министрлигинен:
- 211 кызматкер
- 11 оор инженердик техника
- 19 мотопомпа.
Жарандык коргонуу кызматтарынан:
- 325 кызматкер
- айыл аймак жана мекеме, ишканалардан – 429 кызматкер
- 34 техника жана 18 мотопомпа
- Жергиликтүү тургундардан – 862 адам.
Кошумча:
- «Кыргызнефтегаз» – 5 асинизатор (суу соргуч)
- жеке ишкерлер 4 асинизатор (суу соргуч)
- Коргоо министрлигинен бөлүктөрүнөн 100 кызматкер
- ИИМдин Ички аскерлеринен жана Жазык аткаруу кызматынан жалпы 85 кызматкер тартылды.
Эскерте кетсек, 4-май күнү болжол менен саат 22:50лөр чамасында кыска мөөнөттө жаап ѳткѳн жаандын кесепетинен Сузак районунун Барпы жана Атабеков айыл аймактарынын Миң-Өрүк, Жаңы-Айыл, Төөлөс, Таштак, Комсомол, Чөкө-Дөбө, Чокмор, Осмонов, Кара-Жыгач, Түрк-Абад жана Кызыл-Багыш айылдарындагы турак үйлөргө кокту-колоттон түшкөн сел суулары каптап, айрым турак үйлөр авариялык абалга келген.
