«Газпром-Кыргызстан» мектебин Россияга өткөрүп берүүнү көздөшүүдө, Бишкек мэриясы аны күтүүгө алы жетпейт
Министрлер кабинети Бишкектеги «Газпром-Кыргызстан» мектебин бекер пайдаланууга берүүнү көздөөдө. Бул тууралуу Жогорку Кеңештин Социалдык саясат боюнча комитетинин жыйынында Билим берүү жана илим министринин орун басары Надира Жусупбекова билдиргенин 24.kg жазып чыкты.
Анын айтымында, Кыргызстан менен Россия билим берүү тармагында кызматташуу боюнча келишимге кол коюу ниетинде турушат.
«Мектеп чоң, аны кармоого мэриянын акчасы жок, андыктан биз макул болдук. Россия башка аймактарда дагы мектептерди курууну көздөп жаткандыктан, келишимге кол коюуну сунуштады», – деди ал.
Борбор калаанын вице-мэри Виктория Мозгачеванын айтымында, «Газпром-Кыргызстан» ижара акысын төлөөдөн баш тартпайт.
«Ижара келишими ушул жылдын август айында аяктайт. Алар жылына 22 млн сомдон ижара акысын төлөшөт. Мектептин имараты мэриянын балансында турат», – деп түшүндүрдү вице-мэр.
