Санариптик өнүктүрүү министрлиги ЕАӨБ менен меморандумга кол койду – максаты дата-борборлорду түзүү
Биринчи Евразиялык экономикалык форумдун алкагында өнөктөштүк мамилелерди жана узак мөөнөттүү, эффективдүү жана өз ара пайдалуу кызматташтыкты өнүктүрүү максатында, КР Санариптик өнүктүрүү министрлиги менен Евразия Өнүктүрүү Банкынын (ЕАӨБ) ортосунда меморандумга кол коюлду.
«Меморандумдун негизги максаты – санариптик трансформация тармагындагы кызматташуу, атап айтканда, тиешелүү эсептөө ресурстары менен чоң маалыматтарды иштетүүгө мүмкүнчүлүгү бар аймактык деңгээлде колдонууга мүмкүн болгон дата-борборун түзүү жана ишке киргизүү», – деди Санариптик өнүктүрүү министри Талантбек Иманов.
Евразия Өнүктүрүү Банкы ага мүчө мамлекеттердин экономикалык өсүшүнө, алардын ортосундагы соода-экономикалык байланыштарды кеңейтүүгө жана инвестициялык ишмердүүлүк аркылуу евразиялык мейкиндикте интеграциялык процесстерди өнүктүрүүгө багытталган эл аралык финансылык уюм болуп саналат.
Банк 2006-жылдын 12-январында кол коюлган мамлекеттер аралык келишимдин негизинде түзүлгөн. Бүгүнкү күндө ЕАӨБга Казакстан, Россия, Армения, Беларусь, Казакстан, Кыргызстан, Россия жана Тажикстан мүчө.
