Бюджетке артылган кредиттик жүк: бул жылы донорлордон 32 млрд сом күтүлөт
Кыргызстан быйыл тышкы кредиторлордон дээрлик 32 млрд сом (360 млн доллар) карыз алууну көздөөдө. Мындай маалымат Финансы министрлиги тарабынан жарыяланган 2022-жылга карата КР тышкы жана ички карыз алуу планында жазылган.
Тышкы карыздар
· Ошентип, ведомство мамлекеттик инвестициялык долбоорлорго 21.9 млрд сом (248 млн доллар) карыз алууну пландаштырууда. Ири кредиторлордун катарына Дүйнөлүк банк кирет, андан 4.4 млрд сом, Азия өнүктүрүү банкынан (АӨБ) – 4 млрд сом, Кытайдан – 3.1 млрд сом күтүлүүдө.
· Кошумчалай кетсек, Кыргызстан 9.9 млрд сомдук (113 млн доллар) бюджеттик жардам күтүүдө: Евразия турукташтыруу жана өнүктүрүү фондунан (ЕФСД) 7.1 млрд сом, АӨБ 2.2 млрд сом, Дүйнөлүк банк 663 млн сом бермекчи.
Ички карыздар
Каржы министрлиги быйыл мамлекеттик баалуу кагаздарды (МБ) чыгарып, 15.6 млрд сом (177 млн доллар) ички карыз алууну пландаштырууда. Каражаттын негизги бөлүгүн – 14.6 млрд сом – ведомство мамлекеттик казыналык милдеттенмелердин (МКБ) эсебинен, калган бөлүгүн – мамлекеттик казыналык векселдердин (МКВ) эсебинен тартууга ниеттенүүдө.
Ошентип, бул план аткарылса, 2022-жылы Кыргызстандын мамлекеттик карызы 537 млн долларга же 47.5 миллиард сомго чейин көбөйөт.
