Туристтер үчүн «Ысык-Көл» аэропортунан Чолпон-Ата жана Балыкчыга автобустар каттай баштады
Туристтердин ыңгайлуулугу үчүн “Ысык-Көл” эл аралык аэропортунан (Тамчы) Чолпон-Ата жана Балыкчы шаарларына аймактар аралык автобус каттамдары ачылды. Бул тууралуу Транспорт министрлигинин басма сөз кызматы билдирди.
Башкармалык ошондой эле Ысык-Көл облусу боюнча чет өлкөлөрдөн келген туристтерге ыңгайлуулук түзүү максатында облустун калктуу конуштарын Бишкек шаары жана Чүй облусунун башка шаарлары менен байланыштырган үзгүлтүксүз автобус каттамдары ачылып жатканын билдирди. Жалпысынан шаарлар аралык 17 автобус каттамы бар. Күн сайын ар турдуу класстагы 514 автобус линияга чыгат.
Ошондой эле басма сөз кызматы учурда «Манас» аэропортунан Бишкекке үзгүлтүксүз автобус каттамдары иштеп жатканын, аларды эки автотранспорт ишканасы күнүмдүк график менен тейлеп жатканын белгиледи.
