Кыргызстандык 15 спортчу Эл аралык Олимпиада комитетинен айына 500 доллардык стипендия алат
Олимпиадалык спорт түрлөрүнө катышкан 15 алдыңкы кыргызстандык спортчу Эл аралык Олимпиада комитетинен ай сайын стипендия алмакчы. Бул тууралуу Кыргызстандын Улуттук олимпиада комитети билдирди.
КР УОКтун маалыматы боюнча, стипендия 2022-жылдын 1-майынан 2024-жылдын 31-августуна чейин төлөнөт. Спортчулар айына 500 доллардан алышат.
«Быйыл КР УОКтун аракети менен спортчулардын тизмеси дээрлик эки эсеге көбөйдү», – деп белгилешти комитеттен.
Стипендия алчу спортчулардын тизмеси:
Акжол Махмудов – грек-рим күрөшү;
Жоламан Шаршенбеков – грек-рим күрөшү;
Алибек Осмонов – эркин күрөш;
Бекболот Мырзаназар уулу – эркин күрөш;
Эрназар Акматалиев – эркин күрөш;
Айсулуу Тыныбекова – кыз-келиндер күрөшү;
Мээрим Жуманазарова – кыз-келиндер күрөшү;
Айпери Медет кызы – кыз-келиндер күрөшү;
Калмира Билимбекова – кыз-келиндер күрөшү;
Владимир Золоев – дзюдо;
Нурсултан Кеңешбеков – жеңил атлетика;
Гүлшаной Сатарова – жеңил атлетика;
Денис Петрашов – сууда сүзүү;
Бекдөөлөт Расулбеков – оор атлетика;
Нурадин Рустамбек уулу – бокс.
