2020-жыл үчүн республикалык бюджеттин аткарылышы такталып бүтө элек

Назира Абдиева

23 июня 2022 23:04

Бүгүн, 23-июндагы Жогорку Кеңештин жыйынында «КРнын 2020-жыл үчүн республикалык бюджетинин аткарылышы жөнүндө отчетту бекитүү тууралуу» мыйзамдын долбоору экинчи окууда каралды. Бул тууралуу парламенттин басма сөз кызматы билдирди.

Мыйзамдын демилгечиси – министрлер кабинетинин төрагасы. Жыйында аталган маселе боюнча баяндама жасаган Бюджет, экономикалык жана фискалдык саясат боюнча комитеттин төрагасы Данияр Төлөнов белгилегендей, Эсеп палатасы 2020-жыл үчүн республикалык бюджетинин аткарылышына аудит жүргүздү. Текшерүүнүн жыйынтыгы боюнча 22 пункттан 7 иш-чара аткарылды, 4 жарым-жартылай аткарылды, анын ичинде бюджетке калыбына келтирүү бөлүгүндө 22 млрд 373 млн сомдун ичинен 17 млрд 448 млн сом калыбына келтирилди.

Алсак, Башкы прокуратура тарабынан аныкталган мыйзам бузуулар боюнча «Кумтөр Голд Компани» ЖАКтан алынган 4 млрд 915.7 млн сом максатсыз пайдалануу боюнча иштер каралып жатат. Талкуунун жүрүшүндө депутаттар бул каражаттарды калыбына келтирүү маселесин көтөрүштү. Ага Финансы министрлиги 2023-2026-жылдар аралыгында фонддун каражаттарын калыбына келтирүү боюнча иштерди пландап жатканы айтылды.

Ал эми депутат Мирлан Самыйкожо 2019 жана 2020-жылдардагы бюджеттин киреше бөлүгүнө кызыкты. Финансы министрлигинин башчысы Алмаз Бакетаев 2020-жылы киреше 134.5 млрд сомду, 2019-жылы болсо 148.4 млрд сомду түзгөнүн белгиледи. Эл өкүлү Арсланбек Малиев консолидацияланган бюджеттин динамикасын тактады. Депутат Алишер Эрбаев Ала-Бука райондук өнүктүрүү фондунан Жалал-Абад облусун өнүктүрүү фондуна 230 млн сом мыйзамсыз которулганын белгиледи. Ошондой эле, депутаттар кредиттик каражаттын өздөштүрүлбөгөнү боюнча козголгон кылмыш иштери тууралуу да суроолорду беришти.

Талкуунун жыйынтыгында мыйзам долбоору экинчи окууда добуш берүүгө жөнөтүлдү.

Мындан тышкары окуңуз

Чүйдө 31 жаңы социалдык объект курулуп, 36 объектке капиталдык оңдоо жүргүзүлөт

Президент тарабынан Чүй облусуна бөлүнгөн 10 млрд сомдун эсебинен аймакта 31 жаңы социалдык объект курулуп, 36 объектке капиталдык оңдоо жүргүзүлөрүн президенттин Чүй облусундагы өкүлү Азамат Осмонов “Кабар” маалымат агенттигине билдирди. “Президент Садыр Жапаров Чүй облусуна өзгөчө көңүл буруп, 10 млрд сом бөлүү тууралуу чечим кабыл алды. Бул - жөн гана

Кыргызстанда 2024-жылга караганда былтыр кант өндүрүү 523 млн сомго көп болду

Кыргызстанда кант өндүрүшү 2025-жылдын жыйынтыгы боюнча жылдык өсүштү көрсөткөнү расмий статистикалык маалыматтарда айтылат. 2025-жылы кант өндүрүшүнүн көлөмү учурдагы баалар менен эсептегенде 4 млрд 632,6 млн сомду түзүп, 2024-жылдагы 4 млрд 109,3 млн сомдук көрсөткүчтөн кыйла жогору болду. Физикалык көлөмдүн индекси 172,1% түздү, ал эми 2024-жылы бул көрсөткүч

Чүйдө дыйкан-фермерлерге арзан күйүүчү май берилип жатат

Чүй облусу боюнча быйылкы жылдагы жазгы-талаа иштерин жүргүзүүгө 12 миң 130 тонна дизель, 3 миң 32 тонна бензин керектелерин Чүй облусундагы өткөн жылдын жыйынтыгын чыгарып, 2026-жылга коюлган пландарды тактоо боюнча коллегиянын отурумунда маалымдалды. Белгиленгендей, учурда Нефтетрейдерлер ассоциациясынын берген маалыматы боюнча, нефтебазаларда жана май куюучу жайларда дизель жана бензин жетиштүү көлөмдө

Оштогу №5 мектепке 750 орундуу жаңы корпус курулат

Президент Садыр Жапаровдун тапшырмасына ылайык, Курулуш министрлиги тарабынан Ош шаарындагы №5 Жоомарт Бөкөнбаев мектебине 750 орундуу кошумча корпус курулат. Бул тууралуу Курулуш министрлигинен билдиришти. Долбоор боюнча жаңы билим уясы 6 блоктон турган 3 кабаттуу имарат болуп салынат. Анда заманбап үлгүдөгү окуу класстар, китепкана, компьютердик класс, лаборатория, жыйындар залы, эмгек класстары