«Дордой» базарындагы өрттөн 3 адам жана 1000 чарчы жер жабыркады
“Дордой” базарындагы өрттөн 3 адам жана 1000 чарчы жер жабыркаганын ӨКМ билдирди.
“Такталган маалымат боюнча “Дордой” базарынын контейнерлеринен чыккан өрт саат 14:18де толук өчүрүлгөн. Өрттүн жалпы аянты болжол менен 1000 чарчы метрди түзгөн. Тилсиз жоонун кесепетинен 3 адам жабыркаган” – деп айтылат билдирүүдө.
Түтүнгө уулангандардын бири – Өзгөчө кырдаалдар министрлигине караштуу шаардык өрт өчүрүү бөлүмүнүн кызматкери болгон.
Базардагы соодагерлердин айтымында, өрт тез татым жайынан башталып, кийин контейнерлерге өтүп кеткен.
