Экономика

Тамчылатып сугаруу менен 2 гектардан 28 тонна карагат алган чемпион

Мелис Совет уулу

17 фев 2026 17:39

“Агродиалог-2025” форумунун чемпиону Руслан Миңбаев “Агродиалог-2026” форумун утурлай, карагат өстүрүүдөгү тажрыйбасы жана жетишкен ийгиликтери тууралуу айтып берди.

Бул багбанчылык долбоору 2012-жылы башталган. Ал эми карагат багын негиздөө иштери 2016-жылы жүзөгө ашырылган. Ал убакта аймакта карагатты ири көлөмдө өстүргөн, заманбап техникаларды колдонгон дыйкандар дээрлик жок болчу. Биз алгачкылардан болуп бул багытта иш баштаганбыз,-дейт Руслан Миңбаев.

Анын айтымында, алгачкы жылдары эски ыкма — арык менен сугаруу колдонулса, кийин заманбап тамчылатып сугаруу системасына өтүү түшүмдүүлүктү кыйла жогорулаткан. Бүгүнкү күндө 2 гектар аянттан 28 тонна түшүм алынууда.

2025-жылы форум алкагында чемпион наамына ээ болгон дыйкан ийгиликтин негизги сыры — эмгек, туура агротехнология жана үзгүлтүксүз үйрөнүү экенин белгиледи. Айыл чарба министрлигинин колдоосу менен Кытайда өткөн 10 күндүк семинарга катышып, смарт-технологиялар жана зыянкечтерге каршы так багытталган ыкмалар менен таанышкан.

“Агродиалог-2025” чемпиондугунан кийин алардын ишмердүүлүгүнө жаңы дем берилген. Айыл өкмөтү тарабынан колдоо көрсөтүлдү. Ошондой эле Европа тараптан “Макфорд-2025” программасына катышуу мүмкүнчүлүгү ачылганын айтып берди.

Руслан Миңбаев “Агродиалог-2026” форуму дыйкандар үчүн жаңы мүмкүнчүлүктөрдү ачып, заманбап технологияларды жайылтууга өбөлгө түзөрүнө ишеним билдирди.

Мындан тышкары окуңуз

BAKAI S&P Global CSA ESG баалоосунда 71 упай алып, дүйнөлүк банк секторунун алдыңкы 9%ына кирди

BAKAI туруктуу өнүгүү боюнча жыл сайын өткөрүлүүчү эл аралык S&P Global Corporate Sustainability Assessment (CSA) баалоосунун жыйынтыгын жарыялайт. 2026-жылдын 6-октябрында расмий берилген баалоонун жыйынтыгы боюнча Банк мүмкүн болгон 100 упайдын ичинен 71 упай алды. Бул 2025-жылдагы көрсөткүчтөн 14 упайга жогору. S&P Global CSA

Кыргызстанда тогуз айда 39 миңден ашык пенсиялык иш кароого алынды

2026-жылдын январь–сентябрь айларында Кыргызстандын Социалдык фонду 39 261 пенсиялык ишти кароого алды. Бул тууралуу аталган мекеменин басма сөз кызматынан кабарлашты. Маалыматка ылайык, сентябрь айында 2 759 жаранга пенсия жаңыдан чектелген. Ошондой эле 596 пенсионердин пенсиясы кайра эсептелген. Кайра эсептөө эмгек стажы, эмгек акысы, окуусу жана майыптыгына байланыштуу кошумча

Кыргызстанда статистикалык маалыматтарды топтоодо ЖИ технологиялары колдонулушу мүмкүн

Армениянын Ереван шаарында КМШга мүчө мамлекеттердин статистикалык кызматтарынын жетекчилеринин кеңешинин 76-отуруму жана “Статистикадагы жаңы усулдар жана технологиялар” аттуу IV эл аралык статистикалык форум өттү. Иш-чараларга Кыргызстандын Улуттук статистика комитетинин төрагасы Бактыбек Кудайбергенов катышты. Улуттук сатитстика комитетинин маалыматына караганда, иш-чаранын жүрүшүндө статистикалык маалыматтарды даярдоодо мамлекеттик маалымат тутумдарындагы маалыматтарды

12-октябрда Бишкек жана ага жакын айрым жерлеринде электр жарыгы өчүрүлөт

12-октябрда электр тармактарынын ишенимдүүлүгүн жогорулатуу максатында Бишкек шаарында жана ага жакын аймактарда оңдоо жана техникалык тейлөө иштери жүргүзүлөт. Буга байланыштуу айрым көчөлөрдө жана конуштарда электр энергиясы убактылуу өчүрүлөт. “Улуттук электр тармактары” ААКтын Бишкек электр тармактары ишканасынын маалыматына ылайык, иштер Чыгыш, Батыш, Түндүк жана Аламүдүн райондук электр тармактары тарабынан жүргүзүлөт.