Кыргызстан «Манас» жана «Ош» аэропортторун инвесторлорго берүүдөн баш тартты
Кыргызстан “Манас” жана “Ош” аэропортторун инвесторлорго тышкы башкарууга берүүдөн баш тартканын министрлер кабинетинин төрагасы Акылбек Жапаров билдиргенин бүгүн, 8-июлда минкабдын маалымат кызматы билдирди.
“Манас” жана “Ош” аэропорттору боюнча келишим Кыргызстаныбыздын кызыкчылыгын толук камтыбагандыгына байланыштуу андан баш тарттык.
Мамлекеттин кызыкчылыгына, коопсуздугуна толук жооп берсе, эки жылда дүйнөлүк стандартка ылайык курулушту бүтүрүп, эки аэропортту тең ишке киргизе турган кайсыл гана инвестор болбосун кызматташууга даярбыз”, – деп билдирген Жапаров. .
Ошондой эле Жапаров же болбосо бул долбоорду КР өзү ишке ашыраарын бирок бул көбүрөөк убакытты талап кыларын кошумчалады.
Economist.kg мурда кабарлагандай, министрлер кабинети Түркиянын YDA Group компаниясы менен «Манас» жана «Ош» аэропортторун модернизациялоо долбоорун ишке ашыруу боюнча сүйлөшүүлөрдү жүргүзүп жаткан. Өнөктөштүктүн шарттарына ылайык, эки жылдын ичинде YDA Group 450 млн доллардан 1 млрд долларга чейин инвестиция салып, эки аэропортту толук реконструкциялоону ишке ашырышы керек болчу.
