Энергетикалык алкоголсуз суусундуктарга акциз салыгы литрине 10 сомдон ашпайт
Экономика министрлиги 1-июлдан тарта күчүнө кирген энергетикалык алкоголсуз суусундуктарга акциз салыгын көтөрүүнү алып салуу демилгесин көтөрдү. 12-июлда министрлер кабинетинин тиешелүү токтомунун долбоору коомдук талкууга коюлган.
Министрлик 2022-жылдын 1-июлунан 31-декабрына чейинки мезгилде энергетикалык алкоголсуз суусундуктарга акциздик салыктын ставкасын литрине 10 сомдон 1 сомго чейин төмөндөтүүнү сунуштоодо.
Экономика министрлиги мындай чечим товарларды идентификациялоо каражаттары менен маркировкалоо системасын түзүү боюнча пилоттук долбоорду ишке ашыруу мезгилинде тез арада чечүүнү талап кылган бир катар көйгөйлүү маселелер аныкталгандыгына байланыштуу кабыл алынганын билдирген.
Акциз салыгынын ставкасын көтөрбөө сунушу демилгечилердин айтымында, бизнести колдоо, жогоруда аталган товарлар менен үзгүлтүксүз камсыз кылуу жана алардын калкка жеткиликтүүлүгүн камсыз кылуу, алардын баасынын кескин өсүшүнө жана ишкердик субъекттердин көмүскө жүгүртүүгө чыгып кетүүсүнө жол бербөө максатында сунушталууда.
2023-жылдын 1-январынан 31-декабрына чейин энергетикалык суусундуктарга акциз салыгы мурда сунушталгандай 20 сом/литр, 2024-жылдын 1-январынан тарта 30 сом/литр болмокчу.
Белгилей кетсек, 1-июлдан тарта энергетикалык сергитүүчү алкоголсуз суусундуктарды өндүрүү жана Кыргызстандын аймагына ташып келүүгө акциз салыгы алынышы керек болчу. КРнын министрлер кабинетинин 2022-жылдын 22-февралындагы №94 токтомуна ылайык, акциз салыгынын ставкасы 1 литрине 10 сомду түзөт.
