«Финам» Кыргызстандан анча чоң эмес банк сатып алууга кызыкдар
“Финам” компаниялар тобу Кыргызстандан анча чоң эмес банк сатып алууну караштырып жатканын Frank Media жазып чыкты.
Анда компаниянын президенти Владислав Кочетков аталган басылмага компаниянын банк тармагындагы ишмердүүлүгүн өнүктүрүү үчүн Кыргызстандан чоң эмес банк сатып алууну караштырып жатышканын айткан.
“Мисалы, валюталык транзакцияларды жөнөкөйлөтүү максатында “Финамдын” Кыргызстандан банкт сатып алуу идеясы активдүү талкууланып жатат.
Биз бир нече активдерди карап жатабыз. Бизге транзакцияларды жөнөкөйлөтүү үчүн корреспонденттик эсептери бар банк керек. Анткени чет элдик банкта корреспонденттик эсеп ачуу россиялык банк үчүн өтө оор процесс жана биз карап жаткан кыргыз банктарында адатта бул корреспонденттик эсептер ачылган», – деген Кочетков.
FINAM компаниялар тобу – акча жүгүртүү көлөмү жана активдүү кардарларынын саны боюнча россиялык фондулук рыногунун лидери болуп саналат. 28 жылдан бери иштеп келген дүйнөлүк брокер, башка чет элдик биржалардын мүчөсү, FINAM россиялык инвесторлордун Европанын жана Американын рынокторуна түз чыгуусун камсыз кылат.
