Бир катар керектелүүчү товарлар КНСтен бошотулгандыктан, бюджетке 1.4 млрд сом түшпөй калган
Кээ бир товарлар кошумча нарк салыгынан (КНС) бошотулгандыгына байланыштуу бюджетке 1.4 млрд сом түшпөй калган. Бул тууралуу бүгүн, 14-июлда президент Садыр Жапаров өткөргөн жыйында министрлер кабинетинин төрагасы Акылбек Жапаров билдирди.
Жапаровдун билдиргендей, РФдан бензинди жана дизелдик отунду алымсыз ташып келүүнүн көлөмү көбөйтүлдү, көмүргө, кумшекерге жана өсүмдүк майына бааларды убактылуу мамлекеттик жөнгө салуу киргизилген, ун комбинаттары КНСтен жана сатуудан алынуучу салыктан бошотулган.
Ошондой эле Жапаров Казакстанды кошпогондо, КММнын баасы Евразия экономикалык биримдигинин башка өлкөлөрүнө салыштырмалуу орточо жана туруктуу.
«Биздин ички рынок импорттук товарлардан көз каранды. Азык-түлүктүн дүйнөлүк баасынын кымбатташы бизге да таасирин тийгизүүдө. Быйыл азык-түлүк коопсуздугун камсыздоого 8 млрд сом бөлдүк.
Бир катар керектелүүчү товарлар КНСтен бошотулду. Мындан улам мамлекеттик бюджетке 1 млрд 450 млн сомго жакын каражат түшпөй калды», – деген Жапаров бул кадамдарга барбаганда инфляциянын деңгээли 14.5%га жетмек деп кошумчалады.
