Кутессай-II, Андаш, Талды-Булак жана Күрмөнтү кендери «Улуу көчмөндөр мурасы» холдингине өттү
“Улуу көчмөндөр мурасы” улуттук холдинги төрт кенди чалгындоого лицензия алды. Бул тууралуу бүгүн, 19-июлда маалымат жыйынында Жаратылыш ресурстары, экология жана техникалык көзөмөл министри Динара Кутманова билдирди.
Анын айтымында, Андаш, Талды-Булак алтын кендери, Кутессай-II сейрек кездешүүчү металл кени жана Күрмөнтү акиташ кенин алышкан.
«Алар көп кайрылуу жолдошту. Алардын айрымдары четке кагылды. Эгерде мыйзам чегинде чектөөлөр болсо, биз баш тартып жаттык. Дагы бир жолу белгилей кетейин, мыйзамдуу чектөөлөр болгон жерде лицензия берилбейт», – деп кошумчалады Кутманова.