«Альянс Алтын» Кыргызстандагы эң мыкты салык төлөөчү 10 компаниянын катарына кирди
«Альянс Алтын» компаниясы 500 компаниянын ичинен Кыргызстандагы алдыңкы он салык төлөөчү компаниялардын катарына кирип, Салык кызматынын Ардак грамотасы менен сыйланды. Бул тууралуу компаниядан билдиришти
«Альянс Алтын» ишканасы ишмердүүлүгүн баштагандан бери ушул жылдын 30-июнуна чейин мамлекеттик бюджетке 13 млрд 200 млн сом төлөп, анын ичинен 5 млрд 964 млн сому конкурстук төлөмдү түздү.
Республикалык жана жергиликтүү бюджетке салык жана социалдык төлөмдөр боюнча 7 млрд 236 млн сом которгон, анын ичинде алтынды сатуудан түшкөн каражаттан 4 млрд 671 млн сом төлөнгөн.
“Альянс Алтын” жергиликтүү бюджетке инфраструктураны өнүктүрүү жана тейлөө үчүн 448 млн сом төлөгөн, анын ичинде:
- Талас облусунун өнүктүрүү фондуна (50%) — 224 млн сом
- Талас районунун өнүктүрүү фондуна (30%) — 135 млн сом
- Бекмолдо айылдык Кеңешинин өнүктүрүү фондуна (20%) – 89 млн сом бөлүнгөн.
