Бишкек мэриясы Биринчи май жана Свердлов райондорундагы таштанды чыгаруу кызматын аутсорсингге өткөрүү мүмкүнчүлүгүн кароодо
Бишкек мэриясы катуу калдыктарды чыгаруу системасын эффективдүү башкаруу үчүн бул кызматтарды эки райондо – Биринчи май жана Свердлов райондорунда аутсорсингге өткөрүү мүмкүнчүлүгүн карап жатат. Бул тууралуу мэриянын маалымат кызматы билдирди.
“Тазалык” муниципалдык ишканасы Бишкектин Свердлов жана Ленин райондорунда акыркы 3 күндүн ичинде 1000 тоннадан ашык таштанды чыгарышкан.
Санитардык тазалоо иштерине 30дан ашык атайын техника жана 60 жүктөгүч тартылса, катуу тиричилик таштандыларын чыгарууга 25тен ашык атайын техника жана 55 жүктөгүч тартылган.
Ошондой эле мэрия катуу калдыктарды чыгаруу системасын эффективдүү башкаруу үчүн Биринчи Май жана Свердлов райондорун аутсорсингге берүү мүмкүнчүлүгү каралып жатканын билдирди.
Эскерте кетсек, “шаардыктардан «Тазалык» муниципалдык ишканасынын ишине байланыштуу көптөгөн арыз жана даттануулардан улам” борбор калаанын мэри Эмилбек Абдыкадыров ишкананын директору Султан Алыбаевди жана анын орун басарын иштен алган.
Ишкананын жаңы директору болуп Нурлан Касымов, орун басары болуп Марат Алдашкуров дайындалган.
Кошумча окуңуз: Бишкек мэри «Тазалыктын» директорун иштен айдады — эми шаар таза болот деп убада берди
