Кара-Кечеден көмүр ташуу башталды - тоннасы - 1450 сом
Кара-Кечеде бүгүнтөн баштап көмүр жүктөө башталды. Ал калкка жана ЖЭБге ташылып баштады. Бул тууралуу «Кыргызкөмүр» ишканасынан билдиришти.
Мамлекеттик ишкананын берген маалыматына таянсак, кендин өзүндө көмүрдүн баасы – тоннасына 1450 сомду түзөт.
“Чүй облусунда көмүр сатуучу он базаны ачуу пландалууда, анын ичинде Токмок, Сокулук жана Бишкек шаарларында эки база, Кара-Балта шаарында бирден, Аламүдүн базарында үч база бар. Ишкана буга чейин калкты эртелеп көмүр сатып алууга чакырат”, – деп айтылат маалыматта.
Эскерте кетсек, бул жылы 1.5 млн тонна көмүр казып алуу пландалып жатат жана Кыргызстан быйыл көмүрдү импорттоодон баш тартып, «Кара-Кечеге» артыкчылык берет.
2019-жылы Кара-Кече көмүр кенинен эң көп көлөмдө – 554 миң тонна, ал эми 2021-жылы 1 млн 225 миң тонна көмүр казылып алынган.
