МИК жана «Кыргызиндустрия» июль айында КФБнын соода көлөмүнүн үчтөн экисин камсыз кылды
Кыргыз фондулук биржасынын (КФБ) соода системасында июль айында жалпы көлөмү 1 млрд 196.5 млн сомду түзгөн 218 бүтүм катталган. Июнь айына салыштырмалуу сооданын көлөмү 2.4%га өскөн.
Бүтүмдөр негизинен корпоративдик баалуу кагаздар менен катталган.
«Мамлекеттик ипотекалык компания» ААКтын 12-жөнөкөй акцияларын (139.7 млн. сом) жана «Кыргызиндустрия» ААКтын 2- чыгарылышын (600 млн сом) жайгаштыруу боюнча бүтүмдөрдүн натыйжасында баштапкы рынок сооданын бир айдагы 62.4%ын ээлеген.
Мындан тышкары, эки бүтүм мамлекеттик баалуу кагаздарды сатуу секциясында жүргүзүлгөн. Тактап айтканда, 15-июлда жүгүртүү мөөнөтү 2 жыл болгон мамлекеттик казына облигацияларынын соодасы бекитилген жана алардын көлөмү 1.5 млн сомду түзгөн. Мамлекеттик баалуу кагаздардын баасы 84.76 сом деңгээлинде белгиленген.
Биржада мамлекеттик кагаздардын бул түрү менен мурдагы бүтүмдөр март айында жүргүзүлүп, андан кийин мамлекеттик баалуу кагаздардын баасы 93.01 сом деңгээлинде белгиленген болчу.
