«Манас» аэропортунун директору өлкөдөгү 23 авиакомпаниянын өкүлдөрүн жолугушууга чакырды - аэропорт инвесторлорго өтүүсү күтүлүүдө
«МЭА» ААК Башкармалыгынын төрагасы ата мекендик жана чет өлкөлүк авиакомпаниялардын өкүлдөрү менен жолугушуу өткөрдү. Бул тууралуу башкы аэропорттун маалымат кызматы кабарлады.
«Манас» эл аралык аэропорту» ААК Башкармалыгынын төрагасы – башкы директору Манасбек Самидинов 9-10 август күндөрү Кыргызстанда ишмердүүлүгүн алып барган авиакомпаниялардын өкүлдөрү менен жолукту.
Жолугушууга «МЭА» ААКтын өнөктөштөрү – ата мекендик жана чет өлкөлүк «Авиа Траффик Компани», «Тез Джет», «Эйр Манас», «Аэро Номад Эйрлайнс», «Авиакомпания «АэроСтан», «Моалем Эвиейшн», «Авиакомпания «САПСАН», «Авиакомпания «Хунну Эйр», «Северный Ветер», «Аэрофлот», «Турецкие авиалинии Инк», «Узбекские авиалинии», «Авиакомпания «Сибирь», «Эйр Астана», «Авиакомпания «Уральские авиалинии», Air Arabia, «Silk Way Airlines»/ «Silk Way West Airlines», Jazeera Airways K.S.C.P., China Southern Airlines, Fly Dubai, Pegasus Airlines, S7 Airlines, Nordwind авиакомпанияларынын өкүлдөрү чакырылган.
“Жолугушуу учурунда өндүрүштүк жана коммерциялык сууролорго көңүл бурулуп, кызматташтыкты кеңейтүү пландары талкууланды”, – деп айтылат маалыматта.
Эскерте кетсек, “Манас” эл аралык аэропортун” (Кыргызстандагы бардык аэропорттордун оператору, мамлекеттик үлүшү 79%) тышкы башкарууга берүү боюнча ачык сынакты сентябрда өткөрүү пландалууда. Азырынча ага Германия менен Түштүк Корея кызыкдарлыгын билдиришкен.
