Кыргызстандын азыркы мамлекеттик карызы боюнча акыркы төлөм 2062-жылы төлөнөт
Кыргызстандын тышкы мамлекеттик карызын төлөө планына ылайык, өлкөнүн учурдагы милдеттенмелери боюнча акыркы төлөм 2062-жылы жүргүзүлөт. Бул тууралуу Economist.kg-ге Финминден билдиришти.
Мындай маалыматтар учурдагы күчкө ээ жана кол коюлган кредиттик келишимдердин негизинде берилди, деп тактады министрлик.
Азыркы учурда ведомство 2024-жылга чейинки төлөмдөрдүн саны боюнча маалымат берди.
Эске сала кетсек, Кыргызстандын мамлекеттик карызы 5.1 млрд доллар болсо, анын 4.2 млрд доллары – өлкөнүн тышкы карызы. Эң ири кредитор Кытайдын Экспорттук-импорттук банкы (1.8 млрд доллар). Толук маалымат “Кыргызстандын мамлекеттик карызы. Кимге жана эмне үчүн карызбыз” материалында берилген.
