МСК 1-октябрда лотереянын 2-утушун өткөрөт
1-октябрда лотереянын 2-утушу болот. Бул тууралуу МСКнын маалымат кызматы билдирди.
Белгилей кетсек, МСК ушул жылдын 10-майынан тартып “Чек талап кылып, байге утуп ал!” лотереясын өткөрүүдө. Учурда 110 миңден ашуун кыргызстандыктар лотереяга катышууда.
Бүгүнкү күндө лотереянын катышуучулары 7.8 млрд сомдон ашуун суммадагы кассалык чектерди сканерден өткөрүшүп, 7.7 миллиондон ашык лотереялык ID-белеттерин алышкан, алардын ар бири алдыдагы баалуу байгелерди ойнотууга катышат.
Утуштарды өткөрүү мөөнөтү
Лотерея Кыргызстандын бардык аймагында өткөрүлүп, 2022-жылдын 31-декабрына чейин уланат.
Лотереянын экинчи утушу 2022-жылдын 1-октябрында өтөт, ал эми үчүнчү жыйынтыктоочу утуш – ушул жылдын 31-декабрында болот.
Эске салсак, биринчи утуш 1-июлда болуп өткөн.
Кандай байгелер ойнотулат?
- Экинчи турда бизнес-өнөктөштөрдүн колдоосу менен 1 автоунаа, 11 iPhone, 10 смартфон, 11 ар кандай тиричилик техникасы жана башка баалуу байгелер ойнотулат.
- Үчүнчү, акыркы утушта Бишкектеги бир бөлмөлүү батир, 1 автоунаа, 10 iPhone, 10 смартфон, 10 ар кандай тиричилик техникасы жана башка баалуу белектер өз ээлерин күтөт.
Жеңүүчү номерлерди тандоо лотереянын автоматташтырылган системасы тарабынан сандарды туш келди тандоо ыкмасы (рандом) аркылуу түз эфирде жүргүзүлөт.
Кантип катышууга болот?
Лотереяга катышуу үчүн:
- Google play же AppStore аркылуу “Салык чек” мобилдик тиркемесин жүктөп алып, каттоодон өтүү керек
- товарларды сатып алууда же кызматтарды пайдаланууда ККМдин гана кассалык чегин талап кылуу зарыл
- Алынган кассалык чектин QR-кодун мобилдик тиркемедеги сканерден өткөрүү зарыл
- Сканерленген кассалык чектердин ар бир топтолгон суммасына (1 000 сом) система 1 уникалдуу ID номерин ыйгарат.
Система сканерленген чектерди текшерет
Лотереяга катышуу үчүн сканерленген кассалык чектер 72 сааттык текшерүүдөн өтөт.
Ошол эле учурда, система кассалык чекти кабыл албаса дагы, издөө тутуму аны Салык кызматынын базасынан 30 күндүн ичинде издейт.
Белгиленген убакыттан кийин Салык кызматынын серверине келип түшкөн кассалык чектер система тарабынан кабыл алынат жана андан ары аларга ID номерлер ыйгарылат.
