Бизнесмендердин беделин көтөрүү максатында «КРнын эмгек сиңирген ишкери» ардактуу наамы иштелип чыкты
25-августта Экономика жана коммерция министрлиги министрлер кабинетинин алдындагы Инвестициялык кеңештин катчылыгы менен биргеликте өлкөнүн бизнес-коомчулугунун катышуусунда тегерек стол өткөрүп, анда Бизнес күн тартиби 2026-жылга чейин бизнес үчүн жана башка бир катар маанилүү документтер талкууланганын билдирди.
Маалыматка ылайык, тегерек столдун катышуучуларына «КРда ишкердикти өнүктүрүү, колдоо жана коргоо жөнүндө» мыйзамдын жаңы долбоору жана КР жарандарынын кызматтык паспортторун алуу укуктарынын критерийлерин аныктоо боюнча бир катар документтер сунушталган жана анын ичинде ишкерлерге ардактуу наам берүү боюнча да документ каралган.
“КР ата мекендик компанияларга «КРнын эмгек сиңирген ишкери» ардактуу наамы министрлик тарабынан президенттин «КРнын ишкерлеринин статусун жана беделин жогорулатуу жөнүндө» Жарлыгынын алкагында иштелип чыккан”, – деп айтылат билдирүүдө.
Тегерек столдун жүрүшүндө министрдин орун басары Айнура Үсөнбекова жыйындын катышуучуларын 2026-жылга чейин бизнестин бизнес-күн тартибинин долбоорунун түзүмү менен тааныштырып, акыркы жылдары өлкөдө, аймакта жана дүйнөдө болуп жаткан өзгөрүүлөрдү эске алып, сунушталган документтин мындан аркы өнүгүүнүн жаңы көз карашын калыптандыруудагы актуалдуулугун белгилеген.
Документти иштеп чыгууда орто мөөнөттүү келечекте ишке ашырыла турган так чараларды аныктоо менен долбоордук-программалык ыкма колдонулат, ал эми чаралар статус-квону өзгөртүү принциби менен түзүлөт.
Тегерек столдун жыйынтыгы боюнча пикир жана сунуштар менен алмашкандан кийин бизнес чөйрөсүнүн өкүлдөрү келип түшкөн документтерге өз көз караштарын жана сунуштарын министрликке беришет.
