Экономика министрлиги Ишкерлерди тейлөө борборуна кайрылуу боюнча нускама даярдады
Экономика жана коммерция министрлигинде Ишкерлерди тейлөө борборуна кайрылуу боюнча нускама даярдалды. Бул тууралуу министрликтин маалымат кызматы билдирди.
Бизнес менен мамлекеттик органдардын өз ара аракеттенүүсүн жөнөкөйлөштүрүүчү уникалдуу документ башка колдонмолор менен бирге иштелип чыккан. Эскерте кетсек, аталган министрлик ишкерлер үчүн атайын беш нускама иштеп чыккан.
Бишкекте «Бирдиктүү терезе» принциби боюнча Ишкерлерди тейлөө борбору (ИТБ) түзүлүп, ага ар кандай мамлекеттик жана коммерциялык кызматтардын адистери топтолгон.
“Кыргызстандын борборунда бизнесин каттаган ишкерлер статусуна жана жарандыгына карабастан ИТБга кайрыла алышат. Борбор шаардын каалаган райондук салык органында катталган жери бар ишкерлерди тейлейт. Ишкерлер консультацияларды жана мамлекеттик кызматтарды тез жана толук алуу үчүн ИТБда бардык шарттар түзүлгөн. 13 мамлекеттик кызматына жана үч банктын кеңсесине баруунун ордуна, бардык маселелерди бир жерден чечүү мүмкүн”, – деп айтылат маалыматта.
Колдонмолор менен Экономика министрлигинин сайтынан таанышууга болот.
