Баткен: жараат алгандардын саны 55ке жетти - каза болгон учурлар дагы бар
КР Саламаттыкты сактоо министрлиги 2022-жылдын 16-сентябры саат 18:00гө карата (оперативдүү маалыматтар) куралдуу кагылышуулардын натыйжасында саламаттыкты сактоо уюмдарына жалпысынан 55 жабырлануучу жаткырылганын, анын ичинен 3 жабырлануучу амбулатордук дарылоого жөнөтүлгөнүн маалымдады.
Жарааттардын мүнөздөмөсү боюнча, негизинен, дененин ар кайсы бөлүгүнө ок тийген жана жарылуудан алган жарааттар.
Жалпы жабыркагандардын ичинен аялдар – 7, 5 жаш бала.
- Баткен облустук бириккен ооруканасы – 23 жабырлануучу
- ЖДПБ Лейлек – 22 жабырлануучу
- ЖДПБ Кулунду – 3 жабырлануучу
- Улуттук госпиталда – 3 жабырлануучу
- Улуттук хирургия борборунда – 1 жабырлануучу.
“Ошондой эле, 1 адам өлүмү катталганын маалымдайбыз, 15 жаштагы өспүрүм кыз октон көз жумган. Баткен облусунан алынган оперативдүү маалыматтарга караганда, каза болгон учурлар дагы бар, алар боюнча маалымат азыр такталууда, кошумча маалымат кийинчерээк берилет”, – дейт министрлик.
