Азербайжан менен КРнын ортосунда бир катар документтерге кол коюлду
Азербайжан Республикасынын президенти Ильхам Алиевдин КРга мамлекеттик сапарынын алкагында кечээ, 11-октябрда, кыргыз-азербайжан биргелешкен кызматташтыгын чыңдоого багытталган бир катар документтерге кол коюлду. Бул тууралуу президенттин маалымат кызматы билдирди.
Садыр Жапаров менен Ильхам Алиев КР менен Азербайжан Республикасынын Мамлекеттер аралык кеңешинин биринчи отурумунун Чечимине кол коюшту.
Мындан тышкары, төмөнкү документтерге кол коюлду:
- КРнын министрлер кабинети менен Азербайжан Республикасынын Өкмөтүнүн ортосундагы Кыргыз-Азербайжан өнүктүрүү фондун түзүү жөнүндө макулдашуу
- КРнын министрлер кабинети менен АРнын өкмөтүнүн ортосундагы өсүмдүктөрдүн карантини жаатында кызматташуу жөнүндө макулдашуу
- КРнын Тышкы иштер министрлиги менен АРнын Тышкы иштер министрлигинин ортосундагы 2023-2025-жылдарга кызматташуу программасы
- КРнын министрлер кабинетине караштуу КРнын Социалдык фонду менен АРнын Эмгек жана калкты социалдык жактан коргоо министрлигинин ортосундагы милдеттүү мамлекеттик социалдык камсыздандыруу жаатында кызматташуу жөнүндө Протокол
- КРнын Жаратылыш ресурстары, экология жана техникалык көзөмөл министрлиги менен АРнын Экология жана жаратылыш ресурстары министрлигинин ортосундагы курчап турган чөйрөнү коргоо жана өз ара түшүнүшүү жаатында кызматташуу жөнүндө меморандум
- КРнын Соода-өнөр жай палатасы менен АРнын Чакан жана орто бизнести өнүктүрүү агенттигинин ортосундагы өз ара түшүнүшүү жөнүндө меморандум
- КРнын Соода-өнөр жай палатасы менен АРнын Соода-өнөр жай палатасынын ортосундагы кызматташтык жөнүндө өз ара түшүнүшүү жөнүндө меморандум
- Бишкек шаары менен Баку шаарынын ортосунда бир тууган шаар мамилелерин түзүү жөнүндө өз ара түшүнүшүү жөнүндө меморандум.
