Бүгүн, 24-октябрда Бишкекте Кемпир-Абад суу сактагычынын Өзбекстанга берилишине каршы, ошондой эле кечээ камалган жарандык активисттер менен саясатчыларды колдоо иретинде 500дөн ашуун адам тынчтык митингине чыгышты.

Митингчилер “Бишкек-2” темир жол станциясынан Эркиндик бульварын бойлой жөө басып, эски аянттагы Өкмөт үйүн көздөй барышты.

Жөө жүрүштүн катышуучуларынын негизги талаптары саясий куугунтукту токтотуу жана активисттерди, саясатчыларды бошотуу, Кемпир-Абад суу сактагычын Кыргызстандын менчигине калтыруу болгон.

Акыйкатчынын берген маалыматына ылайык, кечээ кармалган активисттер жана саясатчылар 48 саатка камалган. Ошондой эле аларды кармоо, үйүнө тинтүү жүргүзүлгөн учурда аларга карата одоно мамиле жасалган жана өмүрүнө тикелей коркунуч келтирүү сыяктуу мыйзам бузуу фактылары катталган.