Бишкекте интернет үзгүлтүккө учурап жатат. “Акнет”, Homeline, MegaCom уюлдук оператору сыяктуу провайдерлерлеринде байланыш жок болууда. Бул тууралуу окурмандар Economist.kg сайтына билдиришти.

Интернеттеги үзгүлтүктөр боюнча “Акнет” интернет провайдери комментарий берди.

Компания белгилегендей, техникалык көйгөйлөрдөн улам, башкы провайдердин интернет ылдамдыгы олуттуу төмөндөп кеткен жана же толук жеткиликсиз болушу мүмкүн.

«Учурда бардык зарыл болгон кемчиликтерди жоюу иштери жүргүзүлүүдө. Келтирилген ыңгайсыздыктар үчүн кечирим сурайбыз жана түшүнгөнүңүздөр үчүн рахмат”, – деп айтылат билдирүүдө.

Эскерте кетсек, бүгүн, 24-октябрда Бишкекте Кемпир-Абад суу сактагычын өткөрүп берүүгө каршы жана кечээ камалган жарандык активисттер менен саясатчыларды колдоо максатында “Реакция 5.0” деп аталган тынчтык митинги болот.