«Кумтөр» Кыргызстанга өткөндөн кийинки алтындын кайда кеткенин иликтей турган комиссиянын курамы такталды

Бүгүн, 27-октябрда Жогорку Кеңеште «Кумтөр Голд Компани» ЖАКтын ишмердүүлүгү менен алтын казып алуу жана сатуу маселелерин иликтөө боюнча убактылуу депутаттык комиссиянын жетекчилиги шайланды.

Белгилей кетсек, жыйында “Кумтөр Голд Компани” ЖАКта алтындын казып алынышын жана сатылышын, КРнын менчигине өткөндөн берки иш-аракеттерин иликтөө үчүн убактылуу депутаттык комиссиянын төрагасын жана төраганын орун басарын шайлоо жөнүндө” Жогорку Кеңештин токтомунун долбоору каралды.

Комиссиянын төрагалыгына Исхак Масалиев, орун басарлыгына Арсланбек Малиев, Жусупбек Коргонбай уулу, Нилуфар Алимжанова шайланды.

Ошондой эле комиссиянын курамына төмөндөгү депутаттар киришти.

• Адахан Мадумаров

• Азизбек Турсунбаев

• Балбак Түлөбаев

• Бактыбек Сыдыков

• Данияр Төлөнов

• Динара Ашимова

• Жанарбек Акаев

• Максатбек Сарбыгышев

• Марат Мураталиев

• Марлен Маматалиев

• Надира Нарматова

• Нуржигит Кадырбеков

• Улугбек Ормонов

• Шайлообек Атазов

• Элмурза Сатыбалдиев