Талас районунун тургундарына көмүр базар баасынан арзан сатылууда
Талас облусунун жашоочуларына жеңилдик кылуу максатында базар баасынан арзан көмүр алынып келип, элге сатылууда. Демилге өкүлчүлүк тарабынан көтөрүлүп, каржылык колдоо «Альянс Алтын» компаниясынын өнүктүрүү фонду тарабынан болгон.
Бул жылы Талас облусунда көмүрдүн баасы жылдагыга салыштырмалуу кымбаттады. Анын башкы себеби, коңшу Казакстан мамлекети өздөрүнөн чыккан көмүрдү экспорттоого тыюу салгандыгына байланыштуу. Андыктан базарда көмүрдүн тоннасын жеке жактарга сатууда анын наркы 7-8 миң сомго чейин болууда.
Тургундарга жеңилдик кылуу максатында Кара-Кече көмүр кенинен көмүр алып келүү уюштурулган. «Альянс Алтын» фондусу көмүр ташып келүү үчүн кайтарымдуу негизде пайызы жок 2 млн сом каражат бөлүп берген.
Келишимдин негизинде көмүр ташыган тарап Талас шаарында 5200 сомдон жана райондордун борборлорунда 5300-5500 сомдон элге жеткиликтүү сатышат.
Эскерте кетсек Жерүй кенин иштеткен «Альянс алтын» компаниясы өткөн кыш айларында дагы жергиликтүү тургундарга көмүр таңкыстыгы жаралганда жардам берген.
Кошумча окуңуз:
«Альянс Алтын» компаниясы Кыргызстандын бюджетине 8.4 млрд сом төктү
