Кыргызстанда эркин маалымат каражаттарына болуп көрбөгөндөй кысым болуп жатканына байланыштуу бүгүн, 28-октябрдан тарта ЖМКна кысым көрсөтүүгө каршы масштабдуу маалыматтык кампания башталат.

28-октябрда Blackout Day күнү жарыяланат – саат 9:00дөн 12:00гө чейин жаңылыктарды берүү жана жарыялоо толук токтотулат.

Ошондой эле Blackout Day учурунда редакциялар мамлекеттик органдардын пресс-релиздерин бир күн бою жарыялоодон баш тартышат.

КР Маданият министрлиги «Азаттык» редакциясынын сайтын жабуу боюнча легитимсиз чечим кабыл алды. Кыргызстандын медиа коомчулугу бийликти сөз жана басма сөз эркиндигине массалык жана болуп көрбөгөндөй кысым көрсөтүүнү токтотууга, журналисттерге, блоггерлерге, жарандык активисттерге жана өз оюн эркин билдирген башка адамдарга карата кылмыш иштерин токтотууга чакырат.

Economist.kg окурмандарыбыздын түшүнүгүнө ишенет. Өлкөбүз үчүн оор учурда биз сиздерди медиа коомчулук менен тилектештикке чакырабыз.

#күччындыкта

#силавправде